ni Alma A. Madrid
Principal I, De Mesa ES
Ang pagkakaroon ng sapat at de kalidad na edukasyon ang prayoridad di lamang na mga pampublikong paaralan maging mga pribadong paaralan. Bawat taon ang sektor ng Edukasyon ang nakakatanggap ng pinakamalaking bahagi sa pondo ng gobyerno. Batid ng lahat ang di matapos tapos na paghagilap ng mga kaparaan at solusyon ng mga naunungkulan at opisyales ng kagawaran matiyak lamang na magkakaroon ng access ang lahat sa edukasyon gaya ng nakasaaad sa Philippine Education for All vision.
Gayundin sinisikap ng kagawaran na mapunan ang mga kakulangan sa mga pangunahing pasilidad at kagamitan maging ang kakulangan sa mga guro sa kasalukuyan. Sa pag- usad ng mga adhikaing ito ay may sektor na diumanoy napapag-iwanan na: ang mga pribadong paaralan.
Matatandaang naiuulat nitong mga nagdaang buwan lamang ang ilang paaralan na pribado na nagsara bunsod ng maliit na bilang na mag -aaral na nag-enrol sa kanilang paaralan. Anila, mas pinili na ng ibang magulang ang mag-paaral ng kanilang mga anak sa pampublikong paaralan dahil mapapubliko o pribado man na paaralan ay pinagbabawalan ang pagsasagawa ng face to face classes at sa halip ay sa paraang modular o blended learning na lamang. Dahil dito, hindi na makakayanan pang magpatuloy ng mga nasabing paaralan pribado dahil hindi sapat ang ang kanilang mga pondo na nakasalalay lamang sa bilang ng estudyanteng nagbabayad sa kanila para maatikha ang mga nakasaad na requirements ng mga paaralan ngayong panahon ng pandemya o mas kilala sa tawag nating ng new normal.
Sa kabilang dako, kinikilala ng Kagawaran ng Edukasyon ang kontribusyong na ipinaabot ng mga pribadong paaralan sa sistema ng pampublikong edukasyon. Kung kaya gumagawa ng mga inisyatibo ang pamahalaan upang higit pang mapalawak ang tulong na mgapapanatili sa operasyong ng mga pribadong paaralan. Nariyan ang proposiyon hinggil ng pagkakaloob ng Education Sevice Contracting (ESC) sa mga mag-aaral ndi lamang sa Junior High School ngunit maging sa mga mag-aaral ng Kindergarten hanggang Baitang 6 para na rin mabawasan ang lumulobong populasyon ng mga mag-aaral na nagsisiksikan sa mga pampublikong paaralan. Iminumungkahi na rin ang subsidiya para sa karagdagang sweldo ng mga guro sa pribadong paaralan upang maiwasan ang paglipat ng mga gurong nabanggit sa pampublikong pagseserbisyo na may mas mataas na pasweldo at benepisyo.
Samakatuwid, nagpapatunay lamang na maging mga pribadong paaralan ay nangangailangan din ng karampatang suporta sa mga programa ng pamahalaan upang maging maayos din ang kanilang serbisyo,
