Ulat ni Sandy Belarmino
Seven Lakes Press Corps
Noon pa mang una’y kilala na ng may-akda si Kapitana Rose Diamante Alcantara ng San Lucas 2 sapagkat malapit ang aming pamilya sa mga nagmamay-ari ng kompanyang kanyang matagal na pinagtrabahuhan bilang Sales Manager.
Bukod dito’y ang angkan ni Rosalinda gaya ng Kanyang Lolo na naging Kapitan del Baryo ng San Lucas 2 na si Tomas Martinez, tiyuhing sina dating Barangay Chairmen Godofredo ‘Godo’ Diamante at Lucas Gutierrez ay pawang naging malapit na kaibigan ng aking yumaong amang si dating Executive Assistant to the City Mayor Andres De Rama Belarmino Sr. Ika nga’y talastas ng may-akda na mula sa angkan ng mga magagaling na lingkod bayan itong si Kapitana Rosalinda Rose Martinez Diamante Alcantara.
Ipinanganak si Diamante-Alcantara noong Agosto 20, 1962, nag aral at nagtapos ng elemenrarya sa San Lucas 2 Elementary School, Sekondarya sa San Pablo Trade School (ngayon ay LSPU) at Kolehiyo sa Associated Technical Institute. Ipinagpatuloy rin ang unang pangarap na maging piloto ng eroplano subalit naagaw ng sobrang kaabalahan sa pagiging working student at kaagapay ng mga magulang sa mga pangangailangan ng kanilang tahanan.
Siya’y kasal kay Ginoong Ruben Benedicto Esguerra Alcantara na tulad niya’y isa rin mahusay na Sales Representative. Nabiyayaan ng dalawang supling kapwa tapos na rin ng pag aaral sa kolehiyo at may matatatag nang hanapbuhay.
Maituturing napakaalwan na ang pamumuhay ng mag-asawang Rosalinda at Ruben sapagkat bukod sa sariling impok at naatikhang mga kabuhayan ay may mga minana pa mula sa kani-kanilang pamilya. Pwede na ngang mag- enjoy bilang mga nakakatandang mamamayan ng San Lucas 2 at hintayin na lang ang pagluwal at paglaki ng magiging mga apo?
Subalit dumarating sa buhay natin ang hindi inaasahang Tawag ng Panginoong Diyos sa pamamagitan ng mga instrumentong taong Kanyang gagamitin upang ating tanggapin at yakapin ang kapalarang ipagkakaloob.
Sa darating na Halalang Pangbarangay 2023 ay ipinapahayag ni Ginang Rosalinda ‘Rose’ Diamante Alcantara ang kanyang marubdob na hangaring mapaglingkuran ang San Lucas 2 ng Lungsod ng San Pablo bilang Barangay Chairwoman o Kapitana.
Goodluck Kapitana Rose!
ADVERTISEMENT
