Likha ni: Gregorio T. Agda IV
Siya ang nagsilbing ilaw at haligi ng aming tahanan
Kinintal sa aming isipan ang mga aral na dapat tandaan
Na magsisilbing gabay para sa pagtahak sa tamang daan
Salamat sa iyong pag tyatiyaga at pagsisikap upang tagumpay aming makamtan
Wala na yatang makakapantay sa pagibig mong alay
Tunay na dakila at wagas ang pagkakadalisay
Tila mahikang nanalatay sa dugo at isipa’y
Kaya ang aking tagumpay sayo iaalay
ADVERTISEMENT
Kaya naman ngayon aking nais ipabatid
Tulad mo’y isang bayaning sadyang kaibig-ibig
Dangal at paggalang ay nais ipabatid
Sa pagkat ikaw ay tunay na dakila para sa aming magkakapatid.
