Mahigit 3,200 residente mula sa iba’t ibang barangay ng Lungsod ng San Pablo ang nakatanggap ng libreng mga serbisyong medikal at dental noon ika-15 ng Pebrero sa San Pablo City Central Elementary School sa pakikipag-ugnayan at pakikipagtulungan ni Laguna 3rd District Congressman Loreto “Amben” S. Amante kila President Ferdinand R. Marcos Jr., Senator Ramon Revilla Jr, House Speaker Ferdinand Martin G. Romualdez at San Pablo City Mayor Vicente B. Amante. Nagbigay din ng suporta sina Kapitana Madette Janalino-Amante, Kon. Charles Caratihan ng Calauan at Cong. Ruth Hernandez na inirepresenta ni Jachner Iranzo. Kabilang sa mga serbisyo ay bunot ng ngipin, fluoride treatment, x-ray, non-fasting laboratories, flu vaccine at mga gamot. (Kevin Pamatmat)
